HAU HADOMI LOS NIA

“HAU HADOMI LOS NIA”

“Tanba sá mak o lakoi hatete ba nia?” Pergunta ne’e mak sai pergunta mÓs ba nia.

Sigarru lolon ne’ebé Linda ka’er mÓs lakon tia ona nia suar, nia halakan fila fali hodi hakat ba kadeira rota ne’ebé ohin nia tuur bá. Nia la’os atu tuur maibé nia hiit kedeira ne’e hodi mai hatuur iha nia belun ninia liman kuana. Nia hamonu ninia sigarru masu ba baki leten no foti ain-rua hodi tau ba baki leten. Baki ne’ebé hori ohin hamaluk ninia belun.
”Feto nunka mais agresivu hadi hatete nia laran ba mane, sé enkuantu la iha klak mak halakan, hanesan mÓs agora daudauk ne’e, oinsá nia bele hatene sé o la fÓ hatene ba nia uluk”
“ O la komprende ida!”
“Saida mak hau la komprende! hau mÓs feto ida, hau bele sente oinsá laran taridu, oinsá fuan tanis no oinsá fuan ne’e kanik. O keta hanoin sigarru ho kafé ne’ebé halibur hau ne’e idéntika ho mane deit.”
“O lahatene tanba o la sente!”
“ lae, hau sente hela saida mak o sente!”

Nia dada iis maka’as no iis husi anin ne’ebé nia simu ne’e, hanesan anin dahuluk ne’ebé fÓ reinkarnasaun foun ida husi inan nia knotak, inan ne’ebé hatete liafuan domin dahuluk ba nia hodi bele hatu’u tan ba fitun kalan, maibé molok liafuan sira ne’e morin sai, kadeira rota mÓs fÓ lian daudauk no hakat ida sai hanesan distánsia rihun ba rihun iha nia moris.
Tanbasá mak mane tenke sai sujeitu ba liafuan domin? tanbasá mak feto tenke sai objetu hodi hein liafuan domin? La merese ka, se feto espresa uluk emosaun husi liafuan domin? Ou keta halo domin ne’e konstruksaun hanesan liafuan”feto ho mane”.
“Lin, o la sente tanba o lahatete liafuan ne’e mai hau”
Maibé tarak husi liafuan ne’e la monu iha nia fatin tanba Linda lakon tia ona ho nakukun kalan.